பெரியாரும், லெனினும் எச்.ராஜாவுக்கு சிம்ம சொப்பனம்

திரிபுரா சட்ட மன்ற தேர்தலில் பா.ஜ.க வெற்றி பெற்று ஆட்சியை பிடித்த பிறகு பெலோனியா என்ற நகரில் நிறுவப்பட்டிருந்த லெனின் சிலையை புல்டோசர் வைத்து இடித்துத் தள்ளியிருக்கிறது ஒரு ரவுடி கும்பல்.

விவசாயிகளுடன் லெனின்

ஏன்? லெனின் மீது பா.ஜ.க-வுக்கு ஏன் வெறுப்பு?

இது தொடர்பாக எச்.ராஜா வெளியிட்ட டுவீட்டில் அதற்கு விடை அடங்கியிருக்கிறது. “இன்று திரிபுராவில் லெனின் சிலை, நாளை தமிழகத்தில் சாதி வெறியர் ஈ.வெ.ரா.-வின் சிலை”

பகுத்தறிவு, சுயமரியாதை, சாதி ஒழிப்பு என்று தமிழக இளைஞர்களுக்கு உணர்வூட்டி பார்ப்பனியத்தை தமிழகத்தில் தோலுரித்த பெரியாரின் மீது ஆர்.எஸ்.எஸ் – பா.ஜ.க-விற்கு இருக்கும் அதே வெறுப்புதான், உலகெங்கிலும் உள்ள உழைக்கும் மக்களை உழைப்பு சுரண்டலுக்கு எதிராகவும், ஒடுக்கப்படும் தேசங்களை காலனிய அடிமைத்தனத்துக்கு எதிராகவும் போராடுவதற்கு உணர்வூட்டி வழி நடத்திய லெனின் மீதும் வெளிப்படுகிறது.

பெரியாரும், லெனினும் சிலைகளில் வாழவில்லை, உழைக்கும் மக்களின் மனங்களில், அவர்கள் கற்றுக் கொடுத்த அரசியலில் வாழ்ந்து கொண்டிருக்கின்றனர். அந்த அரசியல் எச்.ராஜாவுக்கும், உழைக்கும் மக்களை காலம் காலமாக இழிவுபடுத்தி ஒடுக்கி வைத்திருந்த பார்ப்பனியத்துக்கும் சிம்ம சொப்பனமாக விளங்குகிறது.

விடுதலை போராட்ட வீரன் பகத்சிங் ஆங்கிலேயர்களால் தூக்கு மேடைக்கு அழைத்து செல்லப்படுவதற்கு முன்பு அவர் கையில் தவழ்ந்தது மாமேதை லெனினின் அரசும் புரட்சியும் என்ற நூல். ஆங்கிலேயர் ஆட்சியிலிருந்து விடுதலை பெறுவதற்கான கல்வி பெற பகத்சிங் நாடியது லெனினை, இன்று கார்ப்பரேட் ஆதரவில் கொட்டமடிக்கும் பார்ப்பனிய ஆதிக்கத்தை முறியடிக்க  நமக்கு வழிகாட்டி நிற்பதும்  லெனினியமே!

Permanent link to this article: http://new-democrats.com/ta/brahminical-forces-dread-periyar-and-lenin/

Leave a Reply

Your email address will not be published.

%d bloggers like this:
Read more:
வங்கியில் பணத்தை எடுப்போம், வங்கிக் கணக்கை முடிப்போம் – மக்கள் அதிகாரம் அறைகூவல்

நாம் போட்ட பணத்தை எடுக்க நமக்கேன் தடை? வங்கியில் பணத்தை எடுப்போம்! வங்கிக் கணக்கை முடிப்போம்! நமது சேமிப்புப் பணத்தை கார்ப்பரேட்டுகள் கொள்ளையடிக்க அனுமதியோம்.

வெரிசான் லே ஆஃப் – நம் முன் இருக்கும் வழி என்ன?

தொடர்ச்சியாக நஷ்டம் காட்டும் நிறுவனம்தான் ஆட்குறைப்பு செய்ய முடியும். அதற்கு அரசிடம் அனுமதி வாங்க வேண்டும். அதற்கு நிறைய சிக்கல்கள் இருக்கின்றன. எனவே ஊழியர்களை மிரட்டி கட்டாயமாக...

Close