«

»

Print this Post

டெல்லியில் விவசாயிகள் போராட்டம் : அதிகாரத்தின் கேளாக் காதுகளை எப்படி திறப்பது?

டெல்லியில் போராடும் விவசாயிகளுடன் கவிஞர் மனுஷ்ய புத்திரன்

போராடும் நம் விவசாயிகளை நாம் கைவிட்டால் வரலாறு நம்மை மன்னிக்காது

“ஜந்தர் மந்தரில் போராடிக்கொண்டிருக்கும் நம் விவசாயிகளை நேற்று போய் சந்தித்தேன். காவல்துறை ஒதுக்கிக்கொடுத்த ஒரு பாக்ஸ் வடிவிலான இடத்தில் வாடி வதங்கிய முகத்துடன் அமர்ந்திருந்தவர்களைக்கண்டதும் பெரும் துயரம் மனதை ஆட்கொண்டது.

விவசாயிகள் போராட்ட தலைவர் அய்யாக்கண்ணு விவசாயிகள் எவ்வளவு துயரங்களை அனுபவித்துக்கொண்டு 26 நாட்களாக கடும் வெய்யிலில், அரை நிர்வாணமாக , உணவு – கழிப்பிட பிரச்சினைகள், உடல் நலக்குறைவு ஆகியவற்றோடு போராடிக் கொண்டிருக்கிறார்கள் என்பதைச் சொன்னார்.

“உங்க ஊர் துவரங்குறிச்சியில் இருந்து போராட்டத்திற்கு வந்த பழனிச்சாமி உடம்பு சரியில்லாம போய் ஆஸ்பத்திரியில் இருக்கிறார்.” என்றார்.

நான் அவர்களிடம் உரையாற்றும்போது “இந்தப்போராட்டம் தமிழக விவசாயிகளுக்கானது மட்டுமல்ல, ஒட்டுமொத்த இந்திய விவசாயிகளிடமும் பெரும் எழுச்சியை உருவாக்கக் கூடிய போராட்டம்” என்பதைக் குறிப்பிட்டேன்

அங்கே உட்கார்ந்திருந்த வயது முதிர்ந்த விவசாயிகளின் முகங்களைக் காணும்போது மனம் கனத்துவிட்டது. ” அய்யா நீங்க இதையெல்லாம் டிவில பேசுங்கய்யா” என்று அவர்கள் திரும்பத் திரும்பச் சொன்னபோது அதிகாரத்தின் கேளாக் காதுகளை எப்படி திறப்பது என்று தெரியாமல் திகைத்து நின்றேன்.

கவிஞர் குட்டி ரேவதியும் நேற்று விவசாயிகளிடம் பேசினார். விவசாயிகள் தங்களைத் தாங்களே துன்புறுத்திக் கொள்ளாமால் மிகுந்த உறுதியுடன் போராட்டத்தை முன்னெடுத்துச்செல்ல வேண்டும் என்பதைப் பற்றி பேசினார்

டெல்லி வாழ் தமிழர்கள் குறிப்பாக மாணவர்கள் விவசாயிகளுக்கு உதவிக்கொண்டிருக்கிறார்கள். டெல்லியில் போராடும் நம் விவசாயிகளுக்காக ஒட்டுமொத்த தமிழகமும் கிளர்ந்து எழ வேண்டும். போராடும் நம் விவசாயிகளை நாம் கைவிட்டால் வரலாறு நம்மை மன்னிக்காது என்ற உணர்வுடன் அங்கிருந்து விடைபெற்றோம்.

” அய்யா நீங்க இதையெல்லாம் டிவில பேசுங்கய்யா”

பேஸ்புக்கில் கவிஞர் மனுஷ்ய புத்திரன்

அதிகாரத்தின் காது உழைக்கும் சாதி ‘கருப்பு’ மனிதர்களைகப் பொறுத்தவரை மூடப்பட்டுதான் இருக்கும். அம்பானி, அதானி, சினிமா நடிகர்கள், சாமியார்கள் உள்ளிட்ட ‘வெள்ளை’ மனிதர்களுக்குத்தான் அது செவி சாய்க்கும்.

அந்தக் காதுகளை மட்டுமின்றி, அதிகாரத்தையே அசைத்துப் பார்க்கும் வகையில் போராட்டங்களை முன்னெடுப்பதுதான், ஜந்தர் மந்தரில் போராடிக் கொண்டிருக்கும் விவசாயிகளுக்கு உறுதுணையாக நாம் செய்ய வேண்டியது.

Permanent link to this article: http://new-democrats.com/ta/manushya-putran-with-tn-farmers-protest-in-delhi/

1 comment

  1. மனிதன் மாந்தன்

    கேளாத காதுகளை திறக்க இந்தியாவில் உள்ள அனைத்து விவசாயிகளும், அவர்கள் மாநிலத்தில் விவசாயக் கடன் தள்ளுபடி செய்ய போராட வேண்டும். அப்படி செய்தால் இதனை சாதிக்கலாம்.

Leave a Reply

Your email address will not be published. Required fields are marked *

Optimization WordPress Plugins & Solutions by W3 EDGE
%d bloggers like this:
Read more:
“மனுசன பலி கொடுத்து நாட்ட வளக்கும் மனு ஆட்சி” – கவிதை

எண்ணை எடுக்கோம் எரிவாயு எடுக்கோமுன்னு எங்கள ஏச்சுப்புட்டு எங்க மண்ணை மலடாக்க இந்த மானங்கெட்ட அரசாங்கம் நினைச்சா சொந்த மண்ணை சோடை போகவிட நாங்க ஒண்ணும் மானங்கெட்டுப்...

அடிமைகளா நாம் – ஒரு பெண் ஊழியரின் அறைகூவல்!

நண்பர்களே, இப்படி 10 முதல் 12 மணி நேர வேலை, அதிக அடிமைத்தனம், அதிக ஊதியம் என்று நம்மை ஒட்டச் சுரண்டும் கார்ப்பரேட் கொள்ளைக்கும், பிரித்தாளும் சூழ்ச்சிக்கும்...

Close